Ner group-eko kideok, komunikabideen aurrean ner group elkartearen aurkezpen publikoa egin berri dugu.

Urtxintxa ner groupeko kidea da, eta mezu honetan komunikabideen eskutan jarri genuen dokumentua eskuragarri jartzen dizugu.

Bertan, ner group elkarteari buruzko informazioa, ezaugarriak eta datu desberdinak bistaratu ahal izango dituzu.

Dagoeneko 2012-2013 ikasturteko Begirale ikastaroaren atal teorikoa amaitu da, bai astean zeharreko taldean (intentsiboa) baita aste bukaeretako taldean ere (estentsiboa). 

Orain praktika egiteko garaia iritsi da, zorte ona opa dizuegu guztiei eta ea laster elkarren berri izaten dugun izandako esperientziak partekatu ahal izateko.

Berrizeko Learreta-Markina ikastetxekoak aurtengo ikasturtean Hezhiz egitasmoa jarri dute martxan lehen hezkuntzako 5 eta 6.mailakoekin. Ikasturtean zehar hainbat dinamika egin ondoren ikasturtea ixteko Etxeren bisita jaso dugu. 

Gaztetxoek Etxe ezagutzeko aukera izan dute, beraiek egindako galderak erantzunez bertatik bertara, musikari bezala izan dituen esperientziez aritu zaigu Berriztar gaztea.

Donostiako auzo desberdinetan, Parketarrak egitasmoak jolas eta kanta desberdinen inguruan familiak biltzen ditu egun desberdinetan zehar. Egitasmoak duen arrakastaren gakoetako bat, Donostiako Euskara zerbitzuak eta Martuteneko Auzo elkarteak egiten ari diren hedapena da. Garrantzitsua oso, parte hartzea bermatu eta finkatutako helburuak bete daitezen.

Aurreko asteazkenean Donostiako Alde Zaharrean euriaren presentziarekin Parketarrak  egitasmora familia ugari gerturatu ziren arren, atzoko saioan mordoa egon ziren jolas eta ekintza desberdinez gozatzen.

Hurrengo asteazkenean ere bertan egongo gara (Zuloaga plazan) eta nahi duzuen guztioi gerturatzera animatzen zaituztegu.

Elkarrizketarako hautatutakoen artean agertzen ez dena itxaron zerrendan egongo da.

SOLAS-JOLAS izeneko udaleku irekiak Irungo haur eta gazteen artean euskararen erabilera sustatzeko Irungo Udalak duen erronketako bat da. Uztailean eta abuztuan burutuko  diren udaleku irekiak dira eta hauetan euskararen erabilera sustatu eta hizkuntzarekiko haurraren jarrera hobetu nahi da ekintza ludikoen bidez. Ikastetxeetan egiten dituzten jarduerez gain tailer, txango eta aisialdiko ekimen ugari antolatuko ditugu..

Udazkenean eta neguan hainbat tailer eta irteera burutu eta gero, ikasturte amaiera gerturatzen ari den heinean, Familiaolako ikasturte honetako azken tailerrekin gatozkizue. Maiatzerako euskal dantzak, asteazken sorginduak eta sukaldaritza tailerra antolatu ditugu, ekintza desberdinez gozatuz aisialdia euskaraz bizi nahi duten Irungo familientzako. Horretaz gain, ikasturte honi amaiera emateko ekintzetan parte hartu duten familia guztiak agur-festara hurbiltzera gonbidatzen zaituztegu. Haur eta heldu, parte hartzeko gogoz bazaudete, animatu! 

Gainera bileren aurretik, bitartean eta ondoren kontutan hartu beharreko oharrak landuko dira bilera horien egitura egokia zein den adieraztekoa.

Pilula bertako 30 ikaslek jasoko dute eta irakatsi eta ikasteko aukera paregabea izango da.

Urtxintxa eskolak “Gazteak, sare sozialak eta hizkuntza kudeaketa” izeneko proiektuan parte hartu du Emun eta Soziolinguistika Klusterrarekin batera. Izenak dioen bezala sare sozialak aztertu ditugu, gazteak eta hizkuntza kudeaketa ardatz ditugularik.

Honela, sei esperientzia desberdin aztertu ditugu, denak ere, gazteekin eta euskararekin harreman zuzena dutenak. Esperientzia hauek esparru desberdinekoak izan daitezen saiatu gara eta hauek izan dira aztertu ditugun sei kasuak: Doka kafe antzokia, Gernikako gaztetxea, Gaztea irratia, Ken7, Mikel Astarloza eta EHZ festibala.

Euskal Herriko milaka txokotatik gure etxera bisitan etortzen diren lagunak piraten munduan murgiltzeko asmoz gure artista sena martxan jarri eta etxea margotzeari ekin genion duela pare bat hilabete.  Kolore artean zilipurdika ibili gara, esku eta ile zikindu ditugu, margotu eta margotu eta pozak txoratzen amaitu dugu emaitza ikustean. 

Bidaiden parte hartzen duten gazteek pausu  bat gehiago eman zuten pasa den astean. Ostiral arratsaldean Antxoko Kultur Etxean ospatutako ekitaldian herriko aiton amonentzat festa txiki bat antolatu zuten. Ekitaldiaren hasieran Ainhoa Cabrerizo Bidaideko partaideak eta izaro Susperregi egitasmoaren koordinatzaileak hitz batzuk irakurri zituzten Egiten duten lana Ikasketa eta Zerbitzu Solidarioen metodologian kokatzeko.